राजनीति

राष्ट्रिय सेवा कोर विधेयक, २०८३ सम्बन्धी समितिको प्रतिवेदन प्रतिनिधिसभामा पेस गरिएको छ। रेडियो नेपालका अनुसार बिहीबारको बैठकमा उक्त प्रतिवेदन सदनसमक्ष प्रस्तुत गरिएको हो। प्रतिवेदन पेस...

वित्तमन्त्री स्वर्णिम वाग्ले तीनदिने भ्रमणका क्रममा बिहीबार नयाँ दिल्ली पुगेका छन्। भ्रमणमा बाढीपछिको पुनर्निर्माण तथा नेपाल–भारत आर्थिक, राजनीतिक र कूटनीतिक सहकार्यका विषयमा छलफल हुने भएको छ।

राष्ट्रिय प्रजातन्त्र पार्टीले ७२ जिल्लामा जिल्ला अधिवेशन पूरा गरेको जनाएको छ। पाँच जिल्लामा भने निर्धारित समयभित्र अधिवेशन सम्पन्न हुन सकेको छैन।

काठमाडौंमा विपद् जोखिम न्यूनीकरण तथा व्यवस्थापनका लागि उच्चस्तरीय राजनीतिक संयन्त्र गठन गर्ने विषयमा सर्वदलीय बैठक सुरु भएको छ।

प्रधानमन्त्री विपद् राहत कोषमा १४ अर्ब २ करोड रुपैयाँभन्दा बढी जम्मा भएको छ। सरकारले भोटेकोशी बाढीपीडितका लागि यसअघि १ अर्ब रुपैयाँ निकासा गरिसकेको छ।

प्रधानमन्त्री बालेन्द्र शाहले भोटेकोशी–त्रिशूली बाढी प्रभावित क्षेत्रको पुनःस्थापनामा स्रोतको कमी हुन नदिने प्रतिबद्धता जनाउँदै जोखिमयुक्त नदी तटीय बस्तीलाई सुरक्षित स्थानमा सार्ने तयारीबारे जानकारी दिएका छन्।

प्रधानसेनापति अशोकराज सिग्देल एक साताको औपचारिक चीन भ्रमणका लागि आइतबार प्रस्थान गरेका छन्। उनले बेइजिङमा हुने १३औँ स्याङसान फोरममा सहभागिता जनाउनेछन्।

परराष्ट्रमन्त्री शिशिर खनालले नेपाल–चीन सम्बन्धलाई जलवायु सुरक्षा, विपद् जोखिम न्यूनीकरण, सूचना आदानप्रदान र विपद्-प्रतिरोधी पूर्वाधार सहकार्यतर्फ विस्तार गर्नुपर्ने बताएका छन्।

प्रधानमन्त्री बालेन्द्र शाहले न्यूजिल्याण्डका प्रधानमन्त्री क्रिस्टोफर लक्सनसँग फोनवार्ता गर्दै भोटेकोशी बाढीपछिको उद्धार तथा पुनःस्थापनाबारे जानकारी दिएका छन्।

प्रधानमन्त्री बालेन्द्र शाहले सेप्टेम्बर २४ (असोज ८) मा संयुक्त राष्ट्रसंघको ८१औँ महासभाको उच्चस्तरीय General Debate लाई सम्बोधन गर्ने भएका छन्। नेपालले सम्बोधनमार्फत जलवायु न्याय र भोटेकोशी बाढीबाट भएको क्षतिबारे अन्तर्राष्ट्रिय ध्यानाकर्षण गराउने तयारी गरेको छ।