राष्ट्रिय सभाको २१औँ अधिवेशन १४५ दिनपछि सम्पन्न

काठमाडौं । संघीय संसद्को राष्ट्रिय सभाको २१औँ अधिवेशन शुक्रबार सम्पन्न भएको छ। अधिवेशन १४५ दिन सञ्चालन भएको र यस अवधिमा ५२ वटा बैठक बसेको राष्ट्रिय सभा अध्यक्ष नारायणप्रसाद दाहालले प्रस्तुत गरेको विवरणमा उल्लेख छ।

अधिवेशनका क्रममा राष्ट्रिय सभाले अध्यादेश प्रतिस्थापनका लागि ल्याइएका ६ वटा विधेयक पारित गरी प्रमाणीकरणको प्रक्रियामा पठाएको थियो। बजेटसम्बन्धी विनियोजन विधेयक, अर्थ विधेयक र सार्वजनिक ऋणसम्बन्धी काम पनि अधिवेशनमा अघि बढाइएको थियो।

अधिवेशन अवधिमा लैङ्गिक हिंसा रोकथाम तथा सहायक प्रजनन प्रविधि नियमनसम्बन्धी प्रस्ताव सर्वसम्मत पारित भएको विवरण सार्वजनिक गरिएको छ। भोटेकोशी–कालिगण्डकी करिडोरका विपद्बारे अध्ययन गर्न विशेष संसदीय समिति गठन गरिएको र विभिन्न मन्त्रालयसँग सम्बन्धित मौखिक प्रश्नमाथि प्रक्रिया अघि बढाइएको पनि जनाइएको छ।