गण्डकी प्रदेशले भुटानलाई ६४ रनले हराउँदै लगातार दोस्रो जित निकाल्यो

पोखरा रंगशालास्थित क्रिकेट मैदानमा बुधबार भएको दोस्रो अभ्यास खेलमा गण्डकी प्रदेशले भुटानको राष्ट्रिय क्रिकेट टोलीलाई ६४ रनले पराजित गरेको छ। यससँगै गण्डकीले भुटानविरुद्धको चार खेलको अभ्यास शृंखलामा लगातार दोस्रो जित निकालेको छ।

पहिले ब्याटिङ गरेको गण्डकीका लागि करण पंगेनीले २७ बलमा एक चौका र पाँच छक्कासहित ४५ रन बनाए। सिब्रिन श्रेष्ठले २४ बलमा एक चौका र पाँच छक्कासहित ४५ रन जोडे। सन्दीप खत्री क्षेत्रीले नौ बलमा अविजित ३० रन बनाए।

भुटानका लागि सोनाम चोपेलले २१ बलमा ४३ रन बनाए पनि टोलीले लक्ष्य भेट्न सकेन। गण्डकीका बिपिन खत्रीले चार तथा दीपकप्रसाद डुम्रेले तीन विकेट लिए। भुटानले अब अभ्यास शृंखलाका बाँकी दुई खेल क्रिकेट एसोसिएसन अफ नेपाल (क्यान)–११ विरुद्ध खेल्नेछ।

भुटानी टोली आगामी अक्टोबरमा मलेसियामा हुने आईसीसी पुरुष टी–२० विश्वकप एसिया सब–रिजनल छनोटको तयारीका लागि नेपाल आएको हो।