दसौँ राष्ट्रिय खेलकुद मंसिर १६ देखि २७ सम्म कर्णालीमा हुने, ११ टोली सहभागी

दसौँ राष्ट्रिय खेलकुद प्रतियोगिता कर्णाली प्रदेशमा मंसिर १६ देखि २७ गतेसम्म आयोजना हुने भएको छ। आइतबार वीरेन्द्रनगरमा बसेको मुख्य आयोजक समितिको बैठकले प्रतियोगिताको तयारी अघि बढाउँदै घोषित मितिमै खेलकुद आयोजना गर्ने प्रतिबद्धता दोहोर्‍याएको हो।

शिक्षा तथा खेलकुदमन्त्री सस्मित पोखरेलको अध्यक्षतामा बसेको बैठकमा खेलस्थल, खेलाडी तथा टोलीको आवास, यातायात, सुरक्षा, स्वास्थ्य, खेल सामग्री खरिद र व्यवस्थापनलगायत विषयमा तयारी अघि बढाउने निर्णय गरिएको छ। प्रतियोगिता यसअघि विभिन्न कारणले पटक–पटक सर्दै आएको थियो।

आयोजकका अनुसार यसपटक संघ, प्रदेश र स्थानीय तहबीच समन्वय गरेर प्रतियोगिता व्यवस्थित रूपमा सम्पन्न गर्ने लक्ष्य राखिएको छ। कर्णालीमा पहिलोपटक राष्ट्रिय खेलकुद आयोजना हुन लागेकाले यसलाई प्रदेशको खेल पूर्वाधार र खेलाडी विकासका लागि महत्वपूर्ण अवसरका रूपमा लिइएको छ।